Borgarhólsskóli

Öll dýrin í skóginum eiga að vera vinir

Sun, 29 Mar 2026 17:33:00 +0000

Það er rík hefð fyrir skólasamkomu í skólanum. Þar koma nemendur fram með atriði, dans og söng. Samkoman er liður í fjáröflun nemenda sjöunda bekkjar sem fer í skólabúðir að Reykjum í Hrútafirði. Dagskráin var fjölbreytt að vanda.

Íslensk stjórnmál, kynning og kosningar

Fri, 27 Mar 2026 13:44:00 +0000

Stjórnmál eru hluti af námi tíundu bekkinga í þjóðfélagsfræði. Nýlega lauk lotu um íslensk stjórnmál þar sem nemendur sóttu m.a. sveitarstjórnarfund hjá sveitarstjórn Norðurþings. Eitt af verkefnum lotunnar var að kynna sér stjórnmálaflokk og stefnumál hans. Í kjölfarið áttu nemendur að búa til sinn eigin stjórnmálaflokk og vinna sín eigin málefni.

Fyrirlögn matsferils gengið vel

Fri, 20 Mar 2026 10:20:00 +0000

Síðastliðna daga hafa nemendur í fjórða til og með níunda bekk þreytt stöðluð próf í íslensku með áherslu á lesskilningi og stærðfræði í fyrsta sinn. Um er að ræða framvindu- og stöðupróf. Þegar fram í sækir myndast matsferill hvers nemanda og saga um framvindu. Fyrirlögn hefur gengið ákaflega vel og nemendur staðið sig vel í framkvæmd prófanna. Niðurstöðu má vænta í maí nk. Forsjáraðilar geta nálgast niðurstöður barna sinni inni á Ísland.is með því að skrá sig inn á Mínar síður.

Breyting á skóladagatali

Wed, 11 Mar 2026 12:17:00 +0000

Búið er að samþykkja breytingu á skóladagatali sem felur í sér að þann 6. maí nk. verður óskert kennsla en samkvæmt upphafleg dagatali átti að kenna til kl. 10:30 þann dag. Síðasti kennsludagur verður 5. júní í stað 8. júní.

Menntastefna Norðurþings

Mon, 02 Mar 2026 09:55:00 +0000

Nýlega var menntastefna Norðurþings 2026-2031 samþykkt í sveitarstjórn Norðurþings sem byggir á skólastefnu frá 2020. Innan hennar má m.a. finna læsisstefnu. Samkvæmt lögum um leik- og grunnskóla skal hvert sveitarfélag setja sér stefnu um skólahald og nær þessi nýja menntastefna yfir alla starfsemi leikskóla, grunnskóla og tónlistarskóla Norðurþings.

Kaffiskrúbbur og fílatannkrem

Tue, 24 Feb 2026 16:14:00 +0000

Í náttúrugreinum er áhersla hjá unglingarnir á umhverfisfræði. Unnið er með skapandi og fræðandi verkefni þar sem þau útbjuggu heimatilbúinn kaffiskrúbb. Notuð voru einföld og náttúruleg hráefni – kaffi, kókosolía og sykur.

Heimsókn frá samfélagslöggunni

Mon, 23 Feb 2026 12:08:00 +0000

Fræðsla samfélagslögreglu miðar að því að auka öryggi borgaranna og koma í veg fyrir afbrot. Samfélagslöggur hafa undanfarið verið að heimsækja skóla til að miðla upplýsingum um öryggi og forvarnir. Umfjöllunarefnið getur verið; samskipti, netöryggi, ofbeldi eða umferðaröryggi. Ekki þarf að greiða fyrir fræðslu frá lögreglunni. Lögreglumenn sem sinna fræðslunni starfa líka sem lögreglumenn á vakt og eru heimsóknirnar hluti starfs þeirra.

Salarskemmtun sem eðalsteinn

Fri, 20 Feb 2026 17:38:00 +0000

Nemendur annars bekkjar skemmtu samnemendum, foreldrum og öðrum gestum á Sal í morgun. En þau hafa verið að læra um klukkuna, lesa bókina Tóta og tíminn eftir Bergljótu Arnalds og tengja það við Byrjendalæsi. Auk þess tengt vinnuna við stærðfræði og vinnu í Sprota. Salarskemmtunin samþætt við námið og því sett upp leikrit úr bókinni.

Stöðupróf í íslensku og stærðfræði

Fri, 20 Feb 2026 15:11:00 +0000

Matsferill er nýtt námsmatskerfi sem dregur upp heildstæða mynd af námslegri stöðu og framförum nemenda reglulega yfir skólagönguna. Tilgangurinn er að stuðla að bættum námsárangri nemenda á Íslandi með reglubundnu og markvissu mati. Í marsmánuði munu nemendur í fjórða til og með tíunda bekk þreyta framvindu- og stöðupróf í íslensku (með áherslu á lesskilning) og stærðfræði.

Túnsláttur 2026

Fri, 20 Feb 2026 09:05:00 +0000

Nýlega fór Túnsláttur fram í Sal skólans en það er söngkeppni félagsmiðstöðvarinnar Túns. Fjögur atriði háðu keppni en vinningsatriðið verður framlag Túns í NorðurOrg sem fer fram á Ólafsfirði 13. mars nk. Sigurvegari keppninnar var Fríða Bjartey Hjaltalín með lagið Ashes eftir Celine Dion. Við óskum henni góðs gengis.

Vika í náms- og starfsfræðslu

Tue, 17 Feb 2026 13:37:00 +0000

Nemendur tíunda bekkja vörðu nýlega viku til að fræðast og kynnast vinnu í tengslum við sjálfsþekkingu, framtíðarsýn og jákvæðu lífsviðhorfi. Farið var í heimsókn í Framhaldsskólann á Húsavík þar sem vel var tekið á móti hópnum með áhugaverðri kynningu og veitingum. Fulltrúar Framhaldsskólans á Laugum kynntu starfsemi sína. Sömuleiðis bauðst þeim fjarkynning frá Menntaskólanum á Akureyri og Verkmenntaskóla Akureyrar. Farið var yfir námsframboð og -brautir.

Verðmæti í félagslegum samskiptum

Tue, 03 Feb 2026 11:59:00 +0000

Hið ósýnilega afl öll okkar samskipti, augliti til auglitis. Þegar félagslegir töfrar myndast í samskiptum fólks sem stuðlar að vellíðan og árangri einstaklinga og hópa á fjölbreyttum sviðum samfélagsins. Dr. Viðar Halldórsson var með fyrirlestur fyrir nemendur áttunda og níunda bekkjar í morgun. En hvað eru þessir félagslegu töfrar? Því er svarað í fyrirlestrinum.

Túbusjónvarpið í framtíðinni

Mon, 02 Feb 2026 20:39:00 +0000

Nemendur fjórða bekkjar hafa undanfarið rannsakað tímann og tæknibreytingar. Að skoða tæki sem hafa þróast eða úrelst; túbusjónvarpið, kasettur eða skífusímar. Nemendur fóru í vettvangsferð á Safnahúsið og könnuðu gamla muni og föt eins og ask og sauðskinnsskó.

Nemendur heimsækja Þeistareykjastöð

Thu, 29 Jan 2026 23:32:00 +0000

Nemendur sjöunda bekkjar lögðu leið sín upp að Þeistareykjum í vikunni. Viðfangsefni nemenda í náttúrugreinum um þessar mundir eru orka, orkugjafar og auðlindir. En Þeistareykjastöð var fyrsta jarðvarmavirkjunin sem Landsvirkjun reisti frá grunni. Heimsóknin er liður í verkefni Landsvirkjunar sem kallast Nám í nærsamfélag en Landsvirkjun kostaði heimsókn nemenda.

Hitastig og vegalengd

Wed, 21 Jan 2026 17:20:00 +0000

Nemendur sjöunda bekkjar læra um orku og auðlindir um þessar mundir. Þau fræðast um mismunandi orkuform, hvaðan orkan sem þau nota kemur og muninn á endurnýjanlegum og óendurnýjanlegum orkugjöfum. Samhliða því læra þau um rafmagn og segla og setja upp einfaldar rafrásir.

Þakklát fyrir nútímann en kynnast gömlu dögunum

Tue, 20 Jan 2026 16:38:00 +0000

Nýlega fóru nemendur annars bekkjar í heimsókn í Safnahúsið. Unnið er með bókina Helgi skoða heiminn þar sem samfélagsgreinar og Byrjendalæsi er samþætt. Markmiðið er er að nemendur átti sig á íslensku samfélagi nú og í gamla daga og efli eigin orðaforða. Þau fengu að skoða allskonar gamla muni sem vöktu athygli og spurningar.

Jólaleyfi og kveðja

Mon, 22 Dec 2025 10:19:00 +0000

Starfsfólk Borgarhólsskóla óskar nemendum, foreldrum og velunnurum gleðilegra jóla. Bestu þakkir fyrir samstarfið á árinu sem er að líða. Njótum jólanna í faðmi fjölskyldu og vina. Nemendur og starfsfólk eru í jólaleyfi fram á nýtt ár. Kennsla hefst mánudaginn 6. janúar 2025.

Við styrkjum Velferðarsjóð Þingeyinga

Fri, 19 Dec 2025 13:55:00 +0000

Undanfarin ár höfum við nemendur og starfsfólk Borgarhólsskóla látið gott af okkur leiða og látið fé rakna til góðgerðarmála. Í stað þess að nemendur og starfsfólk skiptist á gjöfum á Litlu jólum fékk hver nemandi afhent umslag til að fara með heim og setja í það pening. Það er hverjum og einum frjálst hversu há upphæð fer í umslagið kjósi viðkomandi að styrkja málefnið. Stjórnendur skólans völdu að framlag skólans renni í Velferðarsjóð Þingeyinga, bæði nemenda og starfsfólks. Skólinn afhendir Velferðarsjóðnum að þessu sinni 166.040 kr. frá nemendum og starfsfólki sem nýtist vonandi vel. Sjóðurinn úthlutar þrívegis á ári hverju, fyrir páska, að hausti og fyrir jól.

Gamla hefðin að skrifa jólakort

Thu, 18 Dec 2025 15:51:00 +0000

Uppruni þess að skrifa og senda jólakort má rekja til Englands þegar Henry Cole nokkur lét prenta fyrsta jólakortið árið 1843 í þeim tilgangi að óska vinum og vandamönnum gleðilegra jóla á einfaldan og kurteisan hátt. Hugmyndin sló strax í gegn og breiddist hefðin út um alla Norður-Ameríku og Evrópu. Tilgangurinn er að viðhalda tengslum, sýna kurteisi og hlýju, deila óskum og friði.

Eldvarnir í þriðja bekk

Tue, 16 Dec 2025 14:33:00 +0000

Nýlega kom Slökkvilið Norðurþings í heimsókn og voru með fræðslu um eldvarnir fyrir þriðja bekk. Nemendur fræddust um helstu eldhættur sem leynast á heimilum og hvernig bregðast eigi við ef upp kemur eldur.