Afreksfólk við æfingar og utanferðir

Margir nemendur skólans iðka íþróttir af kappi og leggja sig alla fram. Það er ánægjulegt þegar þeir skara fram úr á landsvísu. En nokkrir nemendur skólans taka þátt í æfingum og leikjum fyrir Íslands hönd í sinni íþróttagrein.

Margir nemendur skólans iðka íþróttir af kappi og leggja sig alla fram. Það er ánægjulegt þegar þeir skara fram úr á landsvísu. En nokkrir nemendur skólans taka þátt í æfingum og leikjum fyrir Íslands hönd í sinni íþróttagrein.

Fyrir skömmu lék Áslaug Munda Gunnlaugsdóttir með unglingalandsliði undir 17 ára í knattspyrnu þar sem liðið mætti Tékkum. Áslaug var í byrjunarliði Íslands en leikurinn fór fram í Skotlandi og er hluti af æfingamóti á vegum UEFA.  Atli Barkarson var valinn í hóp unglingalandsliðs 17 ára og yngri sem tekur þátt í undirbúningsmóti sem fer jafnframt fram í Skotlandi. Leikið verður við Skota, Króata og Austurríki í lok febrúar og byrjun mars. Þau eru bæði nemendur í 10. bekk skólans.

Arney Kjartansdóttir var í þriðja sinn valin í æfingahóp unglingalandsliðs 16 ára og yngri í blaki. Æfingar fóru fram í Reykjavík núna í febrúar. Æft var í Laugardalshöll. Arney er nemandi í 9. bekk.

Áslaug Munda, Atli og Arney