Baráttudagur gegn einelti

Frá söngsal í dag.

Alþjóðlegur baráttudagur gegn einelti. Í þjóðarsáttmála sem undirritaður var þann 8. nóvember 2011 segir: Við ætlum að vera góð fyrirmynd og leggja okkar af mörkum til þess að vinna bug á því samfélagslega böli sem einelti er. Allir dagar eiga að vera gegn einelti en þessi dagur minnir okkur sérstaklega á hvílíkt böl um ræðir, sem ekki er eingöngu bundið skólum heldur samfélaginu öllu.

Undanfarin ár höfum við unnið að ýmsum viðfangsefnum í tengslum við þennan dag. Þessa vikuna standa yfir þemadagar í skólanum okkar þar sem nemendur vinna með vinabekkjunum sínum. Nemendur og starfsfólk skólans hittust á söngsal í tilefni dagsins, sungu saman skólasönginn okkar, um vináttuna og já, eitt jólalag. Dagurinn í dag var grænn dagur sem tákn um þann sem verndar aðra gegn einelti.

Hér má finna efni á vefsvæði Menntamálastofnunar varðandi viðfangsefni dagsins fyrir foreldra, börn og ungmenni og fagfólk sömuleiðis.

Hvernig hagar þú þér á netinu?