Fréttapistill frá stjórn Foreldrafélags Borgarhólsskóla

Foreldrafélagið stóð fyrir fræðslufundi 1... Þorsteinn hefur sinnt forvörnum í skólum á Akureyri um langt skeið og hefur mikla þekkingu á þessum hlutum. Hann fór góðum orðum um unglingana og vill hvetja okkur foreldrana til þess að vera í góðu sambandi við unglingana okkar og vera ákveðin í því að fylgja settum reglum eins og reglum um útivistartímann og koma í veg fyrir eftirlitslaus unglingapartý. Mikilvægt er að hjálpa unglingunum að taka ákvörðun þannig að þeir séu búnir að því er þeir síðan lenda í þeim aðstæðum að velja. Lögreglan vill hvetja okkur foreldrana til þess að hjálpast öll að. Fíkniefnavandinn er ekki einkamál lögreglunnar. Það næst enginn árangur í þessum málum nema allir taki höndum saman og sameinist í baráttunni gegn þessu stóra þjóðfélagsvandamáli. Fíkniefni koma öllum við og ef við höfum upplýsingar sem þarf að koma til lögreglunnar er sjálfvirkur símsvari vegna upplýsinga um fíkniefni 800 5005. Fólk getur hringt á öllum tímum sólarhringsins og komið upplýsingum á framfæri. Og nafnleyndar er heitið í öllum tilvikum.