Heilsueflandi grunnskóli – betri heilsa

Borgarhólsskóli er nú formlega þátttakandi í verkefni sem ber heitið Heilsueflandi grunnskóli.

Borgarhólsskóli er nú formlega þátttakandi í verkefni sem ber heitið Heilsueflandi grunnskóli. Verkefnið er undir stjórn Lýðheilsustöðvar í samvinnu við fleiri aðila. Eitt helsta markmið heilsueflandi skóla er betri námsárangur með því að bæta heilsu nemenda og starfsfólks.

Í heilsueflandi skóla fer fram skólastarf í anda heilsueflingar þar sem markvisst er unnið að því að efla og stuðla að velferð og góðri heilsu nemenda og starfsfólks. Lögð er sérstök áhersla á að vinna með átta lykilþætti skólastarfsins, þ.e. nemendur, mataræði og tannheilsu, heimili, geðrækt, nærsamfélag, hreyfingu og öryggi, lífsstíl og starfsfólk.

Ekki er ráðist í alla lykilþættina í einu heldur eru valdir þeir þættir sem við teljum brýnasta hverju sinni og mun Borgarhólsskóli byrja á mataræðinu.

Skipaður hefur verið stýrihópur við Borgarhólsskóla sem verður tengiliður skólans við Landlæknisembættið og Lýðheilsustöð. Þessi hópur mótar síðan heildræna stefnu skólans.

Í stýrihópnum fyrir skólaárið 2011-2012 sitja:

Brynhildur Gísladóttir, skólahjúkrunarfræðingur
Anný Jakobsdóttir, fulltrúi foreldra
Sigrún Þórólfsdóttir, kennari
Aðalheiður Tryggvadóttir, skólaliði

Hrefna Jónsdóttir,nemandi
Þórgunnur R Vigfúsdóttir, skólastjóri

Nánari upplýsingar um verkefnið er að finna á vef Lýðheilsustöðvar: http://www.lydheilsustod.is/heilsueflandiskoli