- Skólinn
- Nemendur
- Foreldrar
- Jákvæður agi
- Bland í Borgó
Heimsókn á heilsugæslustöðina
22.05.2009
Þriðjudaginn 5. maí komu 10.bekkingar úr Borgarhólsskóla með kennurum
sínum þeim Brynhildi Þráinsdóttur og Höllu Rún Tryggvadóttur í heimsókn hingað á
heilsugæsluna. Markmiðið með heimsókninni var að kynna fyrir þeim heilsugæsluna og starfsemina hér. Þessir nemendur eru að hefja
nám á framhaldsskólastigi og þar sem framhaldsskólinn hér hefur ekki getað boðið nemendum upp á skólaheilsugæslu verður
heilsugæslustöðin þeirra skólaheilsugæsla á næstu árum.
Við byrjuðum á því að hitta krakkana niðri í kaffistofu
heilsugæslunnar, þar bauð undirrituð þau velkomin og sagði nokkur orð við þau, svo tók Sigríður Jónsdóttir til máls
og kynnti fyrir þeim starfsemina og sagði þeim frá þeim vandamálum sem fólk getur leitað til okkar með. Unnsteinn læknir sagði svo
frá aðkomu lækna hér á heilsugæslunni og hvernig þau gætu pantað sér tíma eða komið á vaktina með sín
málefni. Hópnum var svo skipt í tvo hópa og gengið um stofnunina. Þeir byrjuðu gönguna í móttökunni og fengu svo að
kikja á t.d. speglunarherbergið, inn til þeirra á rannsókn, sagt frá skipulaginu á skurðstofu, skoðuðu röntgen og aðstöðuna
sem kvensjúkdómalæknir hefur, hittu svo ljósmóður sem var með smá kynningu á sínu starfi og svo fengu þau kynningu á starfi
hjúkrunarfræðings á heilsugæslu.
Í lokin enduðu þau svo niðri í kaffistofu aftur þar sem
blóðþrýstingur var mældur og þau fengu sér ávexti og safa úr eldhúsinu.
Ég vil þakka starfsfólki stofnunarinnar fyrir góðar móttökur en
bæði kennarar og nemendur voru mjög ánægð með þessa heimsókn.
Athugasemdir