Hópamyndun og fjórði maí

Það er mikilvægt að halda áfram vöku sinni.

Það er í gildi samkomubann og takmarkanir á samveru fólks. Það hefur ekki tekið breytingum og gengið mjög vel. Þann 4. maí eða eftir sautján daga eiga að taka gildi tilslakanir vegna þessa. Vissulega getum við verið bjartsýn en fylgja um leið reglum yfirvalda. Nú er ekki tími til að sýna værukærð.

Samhæfingarmiðstöð almannavarna hefur sent út tilmæli til foreldra en borið hefur á hópamyndun barna og unglinga á leiksvæðum seinnipart dags og að kvöldlagi samkvæmt lögreglunni á Húsavík. Ástæðan er líklega gott veður og jákvæðar fréttir sem hafa verið að berast um þróun mála í baráttunni við COVID-19. Hinsvegar þarf áfram að fylgja eftir smitvörnum og reglum sem eru í gildi og mikilvægt að halda vöku sinni.