Hvetjum alla til að taka þátt í „Jól í skókassa“

12.10.2010
Hvetjum alla til að taka þátt í „Jól í skókassa“
Nemendur og starfsfólk Borgarhólsskóla mun taka þátt í verkefninu „Jól í skókassa“ „Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir...
Nemendur og starfsfólk Borgarhólsskóla mun taka þátt í verkefninu „Jól í skókassa“

„Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.

Hvert fara skókassarnir?
Skókassarnir verða sendir til Úkraínu. Í Úkraínu búa um 46 milljónir manna. Atvinnuleysi er þar mikið og ástandið víða bágborið. Á því svæði þar sem jólagjöfunum verður dreift ríkir mikil örbirgð. Íslensku skókössunum verður meðal annars dreift á munaðarleysingjaheimili, barnaspítala og til barna einstæðra mæðra sem búa við sára fátækt.
Með þínu framlagi tryggir þú að barn, sem annars fengi ekki jólagjöf, fái gjöf sem færir því gleði og von.
 
Nánari upplýsingar er að finna á heimasíðu verkefnisins http://skokassar.net
Til baka