Nýja testamentið

19.09.2006
Nýja testamenntið
Nýja testamenntið
Föstudaginn 15...
Föstudaginn 15. september fengu nemendur í 5. bekk góða heimsókn í listgreinatíma. Það voru fjórir félagsmenn úr Gídeonfélaginu á Akureyri sem komu færandi hendi með Nýja testamentið. Á hverju hausti í yfir 40 ár hafa hafa félagar í Gideon hreyfingunni heimsótt grunnskóla landsins og gefið nemendum í 5. bekk Nýja testamenti.
Þegar Nýja testamentin eru gefin er byrjað með stuttri kynningu á Gideonfélaginu. Síðan voru testamentin afhent hverju m nemanda persónulega með handabandi. Kennt er örlíðið á bókina og flett upp á nokkrum versum og þau lesin saman. Nemendur fylgdust með að athygli og voru ánægðir með nýju bókina sína sem á örugglega eftir að koma sér vel í framtíðinni.

Gídeonfélagið á Íslandi var stofnað í ágúst 1945. Félagið dreifir Nýja testamentum og Biblíum til tíu ára skólabarna, á hótelherbergi, við sjúkrarúm, við rúm aldraðra á dvalarheimilum, í fangaklefa og víðar.
Gídeonfélagið á Íslandi er hluti af Alþjóðasamtökum Gídeonfélaga.
Til baka

Athugasemdir