Rýma á þremur

Skólinn okkar er ansi stór bygging. Í honum nema og starfa um 380 einstaklingar. Á honum eru fimmtán útgangar. Það er mikilvægt að nemendur og starfsfólk æfi viðbrögð við hvers konar vá. Nýlega var haldin brunaæfing og rýmingaráætlun virkjuð í samstarfi við Slökkvilið Norðurþings.

Rýming skólans tók aðeins um þrjár mínútur og stóðu nemendur og starfsfólk sig ákaflega vel. Öll sýndu fumlaus viðbrögð og yfirvegun þegar brunakerfið fór í gang.