Skólabyrjun

11.08.2008

Borgarhólsskóli verður settur mánudaginn 25...

Borgarhólsskóli verður settur mánudaginn 25. ágúst sem hér segir:

Kl 9:00 8.9. og 10. bekkur

Kl. 10:00 5.6. og 7. bekkur

Kl. 11:00 2.3. og 4. bekkur

Kl. 13:00 1. bekkur

Skóli hefst samkvæmt stundaskrá þriðjudaginn 26. ágúst.

Fljótlega verður heimasíða skólans uppfærð með nýjum starfsmannalista og hagnýtum upplýsingum.

Skólinn hefur verið tölvert notaður í sumar, einkum gisting hópa og starfsemi tengd Sænskum dögum og Mærudögum.

Af framkvæmdum í húsinu er það helst að segja að háaloft í gömlu skólabyggingunni var einangrað að hluta að kröfu Eldvarnareftirlits og tekið rækilega til í leiðinni. Lagnir í drengjasalernum voru endurnýjaðar og nýjar flísar settar á gólfið. Báðar þessar framkvæmdir eru langþráðar og hafa verið lengi í biðstöðu.

Nýir kennarar eru: Jóna Kristín Gunnarsdóttir, Kristjana María Kristjánsdóttir, Anna Birna Einarsdóttir.

Nýr deildarstjóri: Hanna Ásgeirsdóttir tekur við deildarstjórastarfi af Jónínu Hallgrímsdóttur sem vinnur með Hönnu fram til 1. september. Hanna mun hafa umsjón með stuðningsúrræðum við nemendur og verða stuðningsfulltrúar, sérkennarar, þroskaþjálfi og iðjuþjálfi undir hennar daglegu stjórn og jafnframt verður hún tengiliður við skólaþjónustu og aðrar þjónustustofnanir sem heyra undir málaflokkinn. Deildarstjóri er einn af skólastjórnendum og sinnir auk þess almennri kennsluráðgjöf til starfsmanna sem miðar að því að gera stuðnings og forvarnarúrræði að sjálfsögðum vinnubrögðum fremur en miklum sértækum aðgerðum ,,sérfræðinga“.

Aðrir nýir starfsmenn: Sigríður Hörn Lárusdóttir skólaliði, Helga Kristín Skúladóttir skólaliði, Sædís Rán Ægisdóttir stuðningsfulltrúi, Anna María Þórðardóttir stuðningsfulltrúi, Erla Ásgeirsdóttir námsráðgjafi, Anna Karen Palo iðjuþjálfi.

Margir kennarar skólans hafa setið námskeið á vegum Skólaþjónustu Þingeyinga fyrri partinn í ágúst en fyrsti starfsdagur kennara og skólaliða er 15. ágúst.

20. ágúst verður að venju haldinn svo kallaður Þingdagur í Hafralækjarskóla fyrir alla starfsmenn skólanna á Skólaþjónustusvæðinu þar sem haldin verða erindi og unnið í málstofum.

Til baka