Tæki á mann

Nemendur tíunda bekkjar hefjst handa við að skrá sig á þráðlausa netið.

Nemendum áttunda, níunda og tíunda bekkjar býðst nú afnot af chromebook-fartölvu við vinnu sína í skólanum. Tölvur hafa á undanförnum árum sannað gildi sitt í skólastarfi og mestu jákvæðu áhrifin verða þegar hver nemandi hefur sitt eigið tæki. Með því að nota tölvu í námi er vonast til að nemandi hafi meira val um hvernig hann vinnur verkefni, að námið verði skemmtilegra og fjölbreyttara og að hann geti lært á þann hátt sem hentar honum best.

Skólinn á tölvurnar og foreldrar þurftu að kvitta upp á ákveðna skilmála svo nemandi fengi tölvuna afhenta. Enn hafa allir foreldar tekið jákvætt í að barn þeirra notist við tölvu í skóla en nemendur geta farið með tölvuna heim til að vinna heimanám, vafrað um og lært að sjálfsdáðum. Foreldrar stjórna notkun heima fyrir en tölvan er fyrst og fremst námstæki.