Vorönn hefst

11.01.2008
Vorönn hefst
Haustönn lýkur þriðjudaginn 15...
Haustönn lýkur þriðjudaginn 15. janúar með einkasamtali foreldra/forráðamanna, kennara og nemenda. Nemendur   fá í samtalinu skriflega umsögn um árangur á hinum ýmsu sviðum skólastarfsins. Rannsóknir sýna  að framfarir verða meiri ef allir aðilar setja sér sameiginleg markmið og fylgja þeim eftir. Uppbyggjandi og hreinskilin samvinna heimilis og skóla er því mikilvæg forsenda góðs skólastarfs. Munum að námsmatið á að vera hvetjandi,   þarf að vera stöðugt og er aldrei  lokadómur.
Nú með hækkandi sól er skynsamlegt að setja raunhæf námsmarkmið fyrir vorönnina fyrir hvern og einn. Í samtalinu verður rætt um heppilegar  leiðir að þeim markmiðum.
 Í upphafi vorannar boða umsjónarkennarar forráðamenn til hópfunda  um sameiginleg markmið bekkjanna . Áform vorannar og kennsluáætlanir verða kynntar, foreldrum gefst  tækifæri til að ræða sameiginleg mál. Mikilvægt að forráðamenn mæti vel til funda og skipuleggi með foreldrafulltrúum og umsjónarkennurum hvernig best er staðið að því að styrkja félagsheildina. Þátttaka í foreldrastarfi á ekki að vera áþján heldur skemmtileg og mannbætandi fyrir alla. Með því hugarfari þurfa menn að mæta til leiks.
Óskum  þess að okkur farnist sameiginlega að leiða nemendur okkar til aukins þroska á sem flestum sviðum.
Skólastjórnendur
Til baka