Þriðjudagurinn 8. nóvember er baráttudagur gegn einelti. Dagurinn var helgaður samveru, vináttu og gleði. Dagurinn er haldinn að frumkvæði verkefnisstjórnar um aðgerðir gegn einelti í íslensku samfélagi.

Borgarhólsskóli og Leikskólinn Grænuvellir vinna nú saman að þróunarverkefni sem ber nafnið Lítil skref á leið til læsis. Verkefnið er styrkt af Mennta- og barnamálaráðuneytinu og er sá styrkur liður í að innleiða aðgerð tvö í menntastefnu stjórnvalda til ársins 2030 um aukna skólaþróun um allt land.

Það er mikilvægt að fagna þegar vel er gert, bæði fyrir einstaklinga og samfélag. Það stuðlar að jákvæðri þróun og vexti á mörgum sviðum. Nýlega fór fram Íslandsmótið í Crossfit í Reykjavík þar sem Húsvíkingar áttu fulltrúa. Ísland tók þátt í NEVZA mótinu sem er haldið í Ikast í Danmörku. Þar etja Norðurlandaþjóðirnar og England kappi í blaki.

Nemendur sjötta bekkjar voru að fræðast um lífsferil plantna, sveppi og fléttur og náttúru Íslands. Unnin voru verkefni því tengdu, orðaforðinn efldur og nýttu náttúruna til að skapa hverskonar listaverk úr því sem má finna úti í náttúrunni, laufblöð, greinar eða hverskonar gróður. Samhliða þessu fylgjast nemendur með plöntu vaxa frá fræi til fullvaxta plöntu.

Sterkustu bandamenn skóla eru foreldrar. Aðalfundur foreldrafélags skólans fór fram í gær. Stjórn félagins kynnti starfsemi þess, rætt var um leiðir til að efla foreldrasamfélagið og leiðir til að styrkja foreldra í uppeldishlutverki sínu.

Það er löng hefð fyrir salarskemmtunum í Borgarhólsskóla. Nemendur skipuleggja skemmtun fyrir samnemendur og aðstandendur. Markmið með þessum skemmtunum er m.a. að auka sjálfstraust og öðlast færni í að koma fram fyrir áhorfenur. Sömuleiðis að æfa félagsfærni og stuðla að sköpunargáfu. Fyrir utan hið augljósa að nemendur njóti þess að skemmta sér og öðrum. Skemmtun er grunnþáttur í lífinu sem stuðlar að andlegu heilsu og vellíðan.

Yfir hvaða hæfni og færniþáttum þarf einstaklingur að búa? Í aðalnámskrá grunnskóla er fjallað um lykilhæfni. Henni er ætlað að stuðla að alhliða þroska nemenda og tengjast öllum námssviðum. Lykilhæfni snýr að hæfni í tjáningu og miðlun, skapandi og gagnrýninni hugsun, sjálfstæði og samvinnu, nýtingu miðla og upplýsinga og ábyrgð og mati á eigin námi.

Við kynnum með gleði og stolti árangur okkar í lestrarátaki liðinnar viku. Markmið okkar var að lesa meira en 2500 blaðsíður en niðurstaðan var langt umfram væntingar, um 210% bæting frá fyrra árið eða 7117 blaðsíður sem nemendur og starfsfólk lásu á bókasafninu okkar.

Með auknum fjölda tækja sem ungmenni hafa meðferðis í skóla er mikilvægt að gera sér grein fyrir virði þeirra. Við viljum að tæki og tól séu örugg í skólanum. Við beinum því til foreldra að ræða um þetta heima fyrir og leiðbeini börnum sínum um mikilvægi þessa.

Í næstu viku, dagana 16. til 20. september, verður lestrarátak í skólanum okkar. Við ætlum að endurtaka leikinn frá því á síðasta skólaári með því að safna blaðsíðum sem við lesum. Á síðasta skólaári söfnuðum við 2299 blaðsíðum og markmiðið nú er að bæta það og ná meira en 2500 blaðsíðum. Í átakinu felst að koma á safnið, setjast niður og lesa.