Árshátíð Borgarhólsskóla

19.11.2007

Árshátíð Borgarhólsskóla var haldin með pompi og prakt föstudaginn 9...

Árshátíð Borgarhólsskóla var haldin með pompi og prakt föstudaginn 9. nóvember. Gjaldgengir á árshátíðina eru nemendur 8. – 10. bekkjar auk starfsfólks skólans. Góð þátttaka var að venju, 128 manns mættir í sínu fínasta, þar af 22 starfsmenn. Allur undirbúningur og framkvæmd var í höndum árshátíðarnefndar nemenda en hana skipuðu þetta árið þau Fannar, Íris, Þuríður og Tandri úr 10. bekk og Friðrik og Sigrún Lilja úr 9. bekk. Unnar Þór íþróttakennari og sérlegur félagsmálamógúll skólans var þeim svo innan handar. Að venju naut árshátíðarnefndin þess munaðar að hafa Erling nokkurn Þorgrímsson sér innan handar við ljósagæslu og reykmyndun svo eitthvað sé nefnt.

Hátíðin hófst með borðhaldi þar sem framreiddur var matur frá Sölku, Pottréttur, pizzur og pasta. Í kjölfarið fylgdu skemmtiatriði bekkjanna og nokkuð hefðbundið atriði frá starfsfólki. Að því loknu voru veittar hinar ýmsu viðurkenningar undir liðnum stjörnumessa. Sem dæmi voru veittar viðurkenningar fyrir mestu klósettgelgjuna, systkini ársins, hávaðasamasta nemandann o.fl. o.fl. Herlegheitunum lauk svo með dansi þar sem DJ Andri Ramirez reiddi fram tónlistina. Hátíðin heppnaðist að venju vel og var okkar fólk unglingum til mikils sóma.

Myndir frá árshátíðinni má finna hér.

Bragur starfsfólks, samið af hirðskáldi skólans, Huddersfield, sungið við Vegbúa KK

Ég reyni að kenna

krökkunum hér.

Þeir aldrei nenna

að læra hjá mér.

Þeir les´ekki heima

Það ódæla stóð

sem fer sína eigin

ótroðnu slóð.

Nemandi sestu mér hjá

ég segi þér sögur

ég segi þér frá.

Þú áttir von nú er vonin farin á brott

fallinn í vor – hum – hum – hum – hum.

Stolið og sílfært af Huddersfield

Til baka

Árshátíð Borgarhólsskóla

Athugasemdir

Borgarhólsskóli