Laus störf

Borgarhólsskóli er tæplega 300 barna skóli á Húsavík. Þar fer fram metnaðarfullt skólastarf og áhersla er lögð á jákvæð samskipti og samveru.

Borgarhólsskóli er tæplega 300 barna skóli á Húsavík. Þar fer fram metnaðarfullt skólastarf og áhersla er lögð á jákvæð samskipti og samveru. Unnið er að ýmsum áhugaverðum þróunarverkefnum og innleiðingu uppeldisstefnunnar Jákvæður agi. Skólasýn, stefnu skólans og fleiri upplýsingar um skólastarfið er hægt að nálgast á heimasíðu skólans http://www.borgarholsskoli.is

Við leitum að starfsfólki sem: hefur áhuga á kennslu og vinnu með börnum treystir sér í faglega og metnaðarfulla vinnu hefur lausnamiðaða nálgun á viðfangsefnum er sveigjanlegt er sjálfstætt í vinnubrögðum og sýnir eða býr yfir frumkvæði hefur jákvæðni og starfsgleði að leiðarljósi. Umsækjendur verða einnig að: vera skipulagðir, stundvísir, heilsuhraustir og snyrtilegir í umgengni hafa færni til jákvæðra samskipta við nemendur, foreldra og samstarfsfólk

Grunnskólakennari

Óskum eftir að ráða grunnskólakennara í fullt starf á unglingastigi grunnskólans. Um framtíðarstarf getur verið að ræða. Umsækjendur þurfa að hafa grunnskólakennaramenntun og öll framhaldsmenntun er kostur. 

Myndmenntakennari

Óskum einnig eftir kennara í afleysingar í myndmenntakennslu frá 1. október 2013 til 31.júlí 2014.

Þroskaþjálfi óskast

Óskum eftir að ráða þroskaþjálfa í 80-100% starf.  Umsækjendur þurfa að hafa lokið þroskaþjálfanámi.  Við leitum eftir öflugri fagmanneskju til að starfa með nemendum á yngsta og miðstigi í skóla margbreytileikans við hin ýmsu verkefni.

Í starfinu felst m.a.

• skipulag á kennslu
• skipulag á þjálfun
• aðstoða við athafnir daglegs lífs
• aðstoða við félagslega þátttöku. 

Laun eru greidd samkvæmt kjarasamningum Launanefndar sveitarfélaga og viðkomandi stéttarfélags. Ráðið verður frá 19. ágúst 2013. 

Stuðningsfulltrúi

Lausar eru til umsóknar tvær stöður stuðningsfulltrúa, 60-80% starfshlutfall. 

Laun eru greidd samkvæmt kjarasamningum Launanefndar sveitarfélaga og viðkomandi stéttarfélags. Ráðið verður frá 19. ágúst 2013.

Umsóknarfrestur um öll störfin er til 23. maí 2013
Umsóknum skal skila í tölvupósti á netfangið threyk@borgarholsskoli.is
Ferilskrá skal fylgja umsókn sem og afrit af prófskírteinum.
Allar frekari upplýsingar er hægt að nálgast hjá skólastjóra Þórgunni R. Vigfúsdóttur í síma 4646140.