Fréttir

Sjálfstraust er eins og nafnið gefur til kynna það traust sem við berum til okkar sjálfra til að leysa það vel af hendi sem fyrir liggur. Segja má að traustið byggist á því áliti sem við höfum á okkur sjálfum sem manneskjum. Sjálfstraustið tengist því á því hvernig við tölum við okkur sjálf. Þótt það hljómi kannski skrítið þá erum við að tala við okkur sjálf alla daga þ.e.a.s. gerum athugasemdir í huganum við það sem við segjum og gerum. Þetta kallast sjálfvirk hugsun og við verðum yfirleitt lítið vör við hana vegna þess að við erum svo vön henni. Líkt og reyndir bílstjórar taka varla eftir þegar þeir skipta um gír, þeir eru orðnir svo vanir því.

Í upphaf árs tók ný reglugerð um starf í grunnskólum gildi. Kennsla hefst á morgun samkvæmt upphaflegri stundaskrá. Nemendur fyrsta til og með fimmta bekkjar ganga venju samkvæmt inn að austan, gengt framhaldsskólanum og nemendur sjötta til og með tíunda bekkjar að vestan frá Borgarhóli.

Starfsfólk Borgarhólsskóla óskar nemendum, foreldrum og íbúum öllum gleðilegra jóla. Bestu þakkir fyrir samstarfið á árinu sem er að líða. Vonandi njóta allir jólanna í faðmi fjölskyldu og vina. Kennsla hefst þriðjudaginn 5. jan. 2021.

Fyrir jól er hefðbundið skólastarf gjarnan með fjölbreyttari hætti. Sköpunarþrá á sér rætur í meðfæddri forvitni, athafnaþrá og stuðlar að frumkvæði einstaklingsins. Sköpunargleði leiðir til námsáhuga þegar börn og ungmenni skynja merkingu viðfangsefnanna og gildi þeirra.

Ný tækni skapar fjölbreytni og opnar á nýjar leiðir til að ná til nemenda. Með nýjum kennsluaðferðum verður til nýr áhugi og innspýting. Margir nemendur þekkja og spila tölvuleikinn eða forritið Minecraft. Leikurinn er víða notaður í kennslu. Hann getur hjálpað nemendum að læra hugtök í stærðfræði, þjálfað rökhugsun o.fl. Í leiknum skapa nemendur og þjálfast í hverskonar færni en sköpun er einn lykilþáttur í skólastarfi.

Í samfélaginu á sér stað bylting – háttalagsbylting. Sú bylting fer ekki framhjá skólafólki. Byltingarvaldurinn er snjalltækið sem æði margir líta eingöngu á sem leiktæki, ekki hagræðingartæki(færi) eða verkfæri. Fyrir snjalltækjavæðingu skóla er nauðsynlegt að hugleiða hvernig tækin eiga að koma að gagni.

Það er árviss viðburður í Borgarhólsskóla að nemendur sjöunda bekkjar sækja jólatré skólans sem prýðir Sal skólans. Það er ekki yfir langan veg að fara en tréð sem er hið myndarlegasta er sótt í skógræktina í Melnum í Húsavíkurfjalli. Nemendur fóru ásamt kennurum að sækja tréð sem umhverfisstjóri Norðurþings var búinn að velja.

Nemendur tíunda bekkjar fengust við verklegar tilraunir í efnafræði í morgun. Tilraunirnar og skýrsluskrif eru liður í að meta hvort nemendur geti; framkvæmt og útskýrt sérhannaðar athuganir og útskýrt eiginleika efna, efnabreytingar og hamskipti, eins og segir í aðalnámskrá grunnskóla.

Sóttvarnarráðstafanir yfirvalda hafa tekið ákveðnum breytingum. Reglugerð þar að lútandi er enn óstaðfest en ljóst er að grímuskylda nemenda hefur verið felld út. Nemendur þurfa því ekki að bera andslitsgrímur í skólanum.

Nemendur í öðrum og þriðja bekk hafa verið að vinna með samsett orð. Það er mikilvægt að tengja námið við raunveruleika nemendanna. Þeir notuðu nöfn jólasveinanna sem brátt koma til byggða. Nöfnum jólasveinanna var raðað í stafrófs- og tímaröð. Nöfnum jólasveinanna var skipt upp, ruglað saman og dregið saman ólík nöfn.