Fréttir

Á hverjum morgni tilkynna foreldrar um veikindi barna sinna sem mæta ekki í skólann þann daginn. Það hefur verið gert með því að hringja, senda tölvupóst eða með öðrum skilaboðaleiðum. Nú hefur verið opnað fyrir skráningu foreldra á veikindum barna sinna í gegnum mentor.is hvort heldur sem er í tölvu eða í farsíma. Við hvetjum fólk til að nýta sér þessa leið. Athugið að foreldrar þurfa að vera innskráðir á eigin kennitölu.

Kennsla á yngsta stigi skólans fer fram samkvæmt aðferðum Byrjendalæsis. Í Byrjendalæsi vinna kennarar eftir fyrirfram gerðum kennsluáætlunum sem ná venjulega yfir eina viku. Í upphafi lotu les kennari texta, sögu, ljóð og innihald textans er rætt. Síðan er unnið með stafi, réttritun og málfræði. Alltaf er unnið með lykilorð úr textanum en það orð stendur sem fulltrú þess sem á að kenna. Ef það á t.d. að leggja inn eða kenna stafina Aa og Ss í fyrsta bekk þá gæti bókin Asnaskóli orðið fyrir valinu og nafn bókarinnar verið lykilorðið. Oftast er byrjað á að finna orðin í orðinu og síðan er kappkostað að vinna á fjölbreyttan hátt með orðið, hljóðin og form stafanna. Samhliða þessari tæknivinnu hefst enduruppbygging . Þá semja nemendur frá eigin brjósti ýmislegt sem tengist orðaforða eða efni textans.

Nemendum áttunda, níunda og tíunda bekkjar býðst nú afnot af chromebook-fartölvu við vinnu sína í skólanum. Tölvur hafa á undanförnum árum sannað gildi sitt í skólastarfi og mestu jákvæðu áhrifin verða þegar hver nemandi hefur sitt eigið tæki. Með því að nota tölvu í námi er vonast til að nemandi hafi meira val um hvernig hann vinnur verkefni, að námið verði skemmtilegra og fjölbreyttara og að hann geti lært á þann hátt sem hentar honum best.

Með breytingu árið 2016 á grunnskólalögum síðan 2008 skal öllum börnum í yngri ágöngum grunnskóla gefinn kostur á þjónustu frístundaheimilis. Frístundaheimili er frístundavettvangur barna með áherslu á val barna, frjálsan leik og fjölbreytileika í viðfangsefnum og umhverfi. Við skipulag þjónustu frístundaheimila skal tekið mið af þörfum, þroska og áhuga hvers og eins.

Senn hefst skólastarf venju samkvæmt og að mörgu að hyggja. Matseðill hjá nýjum rekstraraðila liggur fyrir, hafragrauturinn á sínum stað sem og ávextirnir. Í upphafi skólaárs viljum við taka fram að vegna bráðaofnæmis nemanda fyrir hnetum biðjum við foreldra að senda börn sín alls ekki með hnetur í skólann. Við munum sömuleiðis taka tillit til þess í mötuneytinu.

Skólabyrjun verður með óhefðbundnum hætti þetta skólaárið. Vegna sóttvarnarráðstafana mæta nemendur án foreldra. Fyrsti skóladagur er næstkomandi mánudag, 24. ágúst. Nemendur í fyrsta, öðrum og þriðja bekk mæta í skólann kl. 8:30. Nemendur í fjórða til og með sjöunda bekk mæta í skólann kl. 9:15 og nemendur í áttunda, níunda og tíunda bekk mæta í skólann kl. 10:00.

Skrifstofa skólans er lokuð og opnar aftur 12. ágúst næstkomandi. Hægt er að nálgast upplýsingar um skólann hér á heimasíðunni.

Að vinna saman, fara út fyrir eigin þægindaramma og gera kröfur til sjálfs sín. Verkefninu Survivor árið 2020 er nú lokið. Nemendum á unglingastigi er skipt í fjóra hópa eða ættbálka; þurfa að kjósa ættarhöfingja af hvoru kyni, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin.

Nemendur tíunda bekkjar skólans mættu á útskrift sem fram fór í dag. En skólaslit voru með óhefðbundnum hætti í gær. Alls útskrifast 21 nemandi frá skólanum sem er nokkuð minni hópur en undanfarin ár.

Að vori fara nemendur gjarnan í skólaferðir. Í slíkum ferðum er unnið með mörg hæfniviðmið og markmið sem getur reynst erfitt að ná innan veggja skólans. Að nemandi átti sig á að hann er hluti af stærra samfélagi eða að nemandi átti sig á að fólk býr við ólík fjölskylduform, hefur ólíkan bakgrunn og bera virðingu fyrir mismunandi lífsviðhorfum og lífsháttum.