Íþróttadagur í slyddu

Íþróttadagur var í skólanum föstudaginn 11. maí. Þessi dagur rann upp með slyddu og hita við frostmark. En það var bara skundað af stað og farið í gönguferð, að henni lokinni voru bornir fram ávextir, í boði Samkaupa, sem voru borðaðir af bestu list. Um hálf tíu fóru allir á þá staði sem þeir höfðu valið og gekk bara vel miðað við veður.  Það sem var í boði var sundlaug, íþróttahöll, sparkvellir,  fjallganga, fjöruferð, skógarferð, spil og tafl.

Þegar dagskrá lauk klukkan tólf, voru bæði börn og fullorðinir mun líflegri en þeir voru í morgunsárið.