Laxárskóli

Forsaga Þann 26. ágúst árið 2004 kynnti Hermann Bárðarson hugmynd sína að rannsókna- og menntunarstofnun tengdri samnýtingu náttúruauðlinda í Þingeyjarsýslu. Slík stofnun á að hafa það hlutverk að virkja náttúrurík svæði í Þingeyjarsýslum sem þekkingaruppsprettu fyrir öll menntunarstig. Vorið 2006 var farið að vinna að þessari hugmynd innan Þekkingarseturs Þingeyinga og Náttúrustofu norðausturlands í tengslum við Hermann. Var stefnan sett á að bjóða nemendum í Borgarhólsskóla og Hafralækjarskóla í ferð að Laxá í Aðaldal til að kanna fiska og annað lífríki árinnar. Þetta verkefni fékk heitið Laxárskóli og var haldinn fundur með forsvarsmönnum skólanna þann 12. júní 2006. Niðurstaða þess fundar var að stefnt skyldi að því að nemendur í 6. bekk í Borgarhólsskóla og Hafralækjarskóla fengju að heimsækja ána í lok ágúst. Var Aðalsteini Erni Snæþórssyni starfsmanni Náttúrustofunnar falið að sjá um undirbúning fyrir þessa heimsókn.