Til nemenda 8. bekkjar og foreldra þeirra.

Þriðjudaginn 11. september efnir skólinn til gönguferðar yfir Tunguheiði – við höfum það á dagskrá okkar að nemendur 8. bekkjar gangi þessa leið á hverju hausti. 

Tunguheiði er fjallvegur sem mikið var farinn áður fyrr og er  milli Tjörness og Kelduhverfis. Gengið er frá Syðritungu á Tjörnesi og komið niður í Fjöll í Kelduhverfi.

Göngufólk þarf að vera í skjólgóðum göngufötum og í góðum skóm. Gott er að hafa göngustafi, léttan bakboka og mikið og hollt  nesti til dagsins. Við gerum ráð fyrir því að vera a.m.k. 5 -6  klukkutíma á göngu á misjöfnu landi.

 

Þetta er falleg leið,  við höfum það sem markmið að njóta samverunnar á fjöllum, fræðast og  tengjast landinu. Farið verður mjög rólega svo allir  njóti ferðarinnar.

 

Ef nemendur af einhverjum ástæðum treysta sér ekki í ferðina þurfa þeir að ræða það við umsjónarkennara sinn og þá verður þeim séð fyrir verkefnum undir stjórn kennara í skólanum. Umsjónarkennarar skrá í ferðina mánudaginn 10. september.

 

Þeir sem ganga Tunguheiði fá viðurkenningarskjal í skólanum síðar.

 

Ferðakostnaður er kr. 500 sem greiðist umsjónarkennara áður en lagt er af stað. Til að spara ferðakostnað óskum við eftir því að forráðamenn aki nemendum út í Syðritungu kl. 8:15 á þriðjudagsmorgun en rúta sækir okkur í Fjöll. Þeir sem ekki hafa tök á því að aka börnum sínum, eða koma þeim með öðrum, hafi samband við umsjónarkennar og sjáum við þá nemendum fyrir fari.

 

 

Mætum út í Syðritungu vel útbúin kl. 8:15  á þriðjudagsmorguninn.

 

Skólastjóri