Fréttir

Nemendur skólans hanna, smíða og skapa alls konar. Í myndmennt vinna nemendur gjarnan með leir enda leirbrennsluofn í skólanum. Nemendur búa til hvers kona nytja hluti, skrautmuni o.fl. úr leir.

Skólahreysti hefur verið haldið síðan árið 2005. Hjónin Andrés Guðmundsson og Lára B. Helgadóttir eru frumkvöðlar að keppninni sem snýst um alhliða íþróttaupplifun byggð á almennri íþróttakennslu. Um er að ræða heilbrigða keppni milli skóla landsins þar sem bæði einstaklingsframtakið og liðsheildin skipta máli.

Nú halda nemendur og starfsmenn glaðir og ánægðir inn í páskafríið. Við óskum lesendum gleðilegra páska og vonum að allir eigi ánægjulegar stundir í faðmi fjölskyldu og vina. Kennsla heldur áfram þriðjudaginn 3. apríl næstkomandi.

Mennta- og menningarmálaráðuneyti hefur gefið út eftirfarandi tilkynningu um samræmd könnunarpróf. Menntamálastofnun vinnur nú að úrvinnslu niðurstaðna nemenda sem þreyttu próf í síðustu viku. Stofnunin mun leita eftir samráði við hagaðila um hvernig staðið verði að nýrri fyrirlögn könnunarprófa í íslensku og ensku. Í framhaldinu verður tilkynnt hvenær ný próf verða lögð fyrir.

Nemendur sjöunda til tíunda bekkjar fengu fræðslu í morgun frá verkefninu Fokk me-Fokk you sem fjallar um sjálfsmynd, samfélagsmiðla og samskipti kynjanna. Hún er ætluð unglingum og ungmennum, foreldrum þeirra og aðstandendum og starfsfólki sem starfar með unglingum.

Lokahátíð Stóru upplestrarkeppninnar fór fram síðastliðinn föstudag í Safnahúsinu á Húsavík. Tíu ungmenni úr 7. bekk úr Borgarhólsskóla, Reykjahlíðarskóla og Þingeyjarskóla komu fram og fluttu mál sitt fyrir gesti.

Eftirfarandi yfirlýsing barst frá þjónustuaðila samræmduprófanna, Assessment Systems sem sáu um framkvæmd prófanna. Forráðamönnum Assessment Systems þykir afskaplega leitt að framkvæmd prófa skuli hafa raskast með þeim hætti sem raun er á. Við biðjum Menntamálastofnun og nemendur á Íslandi afsökunar á að hafa brugðist trúnaði þeirra og á þeim vandkvæðum sem þetta hefur valdið.

Eftirfarandi yfirlýsing barst frá Menntamálastofnun vegna fyrirlagnar á samræmdu könnunarprófi í ensku: . . . . . Við fyrirlögn samræmds könnunarprófs í ensku í morgun komu upp tæknilegir örðugleikar vegna álags á vefþjón. Álagið var mikið og virðist vefþjónninn því miður ekki hafa staðið undir því. Þrátt fyrir umfangsmiklar athuganir og álagsprófanir hjá þjónustuaðila á prófakerfinu kemur samt í ljós að kerfið stenst ekki þetta álag.

Í vikunni fór fram undankeppni skólans vegna Stóru upplestrarkeppninnar. Verkefnið sjálft hefst ár hvert á degi íslenskrar tungu, 16. nóvember. Þrettán nemendur 7. bekkjar öttu kappi í upplestri en keppnin fór fram í Sal skólans.

List fyrir alla er ætlað að velja og miðla listviðburðum um land allt og jafna þannig aðgengi barna á grunnskólaaldri að fjölbreyttum og vönduðum listviðburðum óháð búsetu og efnahag. Höfuðáhersla er lögð á menningu fyrir börn og menningu með börnum.