Fréttir

Menntamálastofnun hefur gefið út stutt kynningarmyndband vegna niðurstaðna samræmdra könnunarprófa. Í því eru grunnupplýsingar og útskýringar við algengum spurningum sem stofnuninni berast.

Nú halda nemendur og starfsmenn glaðir og ánægðir inn í páskafríið. Við óskum lesendum gleðilegra páska og vonum að allir eigi ánægjulegar stundir í faðmi fjölskyldu og vina. Kennsla heldur áfram þriðjudaginn 18. apríl næstkomandi.

Nemendum á unglingastigi hefur staðið til boða að stunda nám í snyrtifræði sem valáfanga. Nemendur hafa lært um umhirðu húðarinnar, nudd og hvers konar förðun. Jafnframt æft sig í handsnyrtingu. Kennari í faginu er Dagbjört Erla Gunnarsdóttir sem er kennari við skólann og einnig snyrtifræðingur.

Nemendur í 1. bekk voru í miklu páskaskapi enda styttist í páska. Eina helstu hátíð kristinna manna, tími súkkulaðieggja og málshátta. Nemendur unnu páskakrans sem var skreyttur með hvers konar mynstri.

Á hverju ári setur skólinn upp samkomu þar sem nemendur koma fram, syngja, dansa og leika. Samkoman er liður í fjáröflun 7. bekkjar sem fer í skólabúðir í Mývatnssveit að vori. Dagskráin er fjölbreytt að vanda.

Áður auglýsti skólinn laus störf þriggja deildarstjóra við skólann. Annarsvegar starf deildarstjóri 1. – 5. bekkjar og deildarstjóri 6. – 10. bekkjar hinsvegar sem eru 100% starf hvort með kennslu, 74% stjórnun. Jafnframt deildarstjóra stoðþjónustu sem er 50% starf.

Lokahátíð Stóru upplestrarkeppninnar fór fram síðastliðinn föstudag í Safnahúsinu á Húsavík. Átta ungmenni úr 7. bekk úr Borgarhólsskóla, Reykjahlíðarskóla og Þingeyjarskóla komu fram og fluttu mál sitt fyrir gesti.

Þriðjungur þess matar sem keyptur er inn á heimili fer beint í ruslið samkvæmt Matvælastofnun Sameinuðu þjóðanna (FAO) eða um 1.3 milljón tonn af mat á hverju ári í heiminum. Mat sem er sóað hefði mögulega getað brauðfætt milljónir manna og minnkað þá hungursneyð sem steðjar að ýmis staðar í heiminum. Þar að auki hefur framleiðsla matar oft talsverð neikvæð umhverfisáhrif sem þjóna þá engum tilgangi ef maturinn er ekki nýttur og eykur verulega við magn úrgangs sem þarf að urða.

Á unglingastigi er tæknilego valáfangi í boði. Þar er unnið með hönnun, sköpun og forritun. Nemendur smíða hvers konar hluti bæði eftir fyrirmælum og eigin hugmyndaflugi. Áfanginn hefur gefist vel og vekur áhuga margra nemenda.

Störf deildarstjóra 1.-5. bekkjar og 6.-10.bekkjar við Borgarhólsskóla eru laus til umsóknar. Um er að ræða störf í stjórnunarteymi skólans. Einnig er laust til umsóknar 50% starf deildarstjóra stoðþjónustu (með möguleika á kennslu á móti 50%) en frá og með hausti 2017 verða tveir deildarstjórar stiga og einn deildarstjóri stoðþjónustu við skólann. Þeir bera ábyrgð á og stjórna daglegu starfi skólans.