Fréttir

Í tilefni af fullveldisdeginum og sýningu á þemadögum er sparifatadagur í skólanum föstudaginn 2. desember.

Nemendur í 6. og 7. bekk ferðast nú um Norðurlöndin. Nemendum var skipt í hópa og hver hópur gerist sérfræðingateymi um eitt Norðurlandanna. Nemendur fengu grunnupplýsingar og markmið um verkefnið. Jafnframt höfðu nemendur valfrelsi um hvernig hópurinn skilaði af sér.

Grunnskólakennarar standa í kjarabaráttu um þessar mundir eftir að hafa fellt tvo síðustu kjarasamninga. Liður í að krefjast betri kjara er að ganga út úr skólunum. Þetta á við kennara um land allt. Kennarar í Borgarhólsskóla munu því ganga út úr skólanum kl. 13:30 í dag. Kennsla fellur því niður frá og með þeim tíma í dag, þriðjudag.

Dagur íslenskrar tungu hefur verið haldinn hátíðlegur á fæðingardegi Jónasar Hallgrímssonar, 16. nóvember, samkvæmt tillögu menntamálaráðherra frá árinu 1996. Dagur íslenskrar tungu er opinber fánadagur og því var þjóðfáni Íslendinga dreginn í heila stöng.

Ípíslepensk tupungapa eper ápáhupugapaveperð opog hæpægt apað leipekapa sépér mepeð tupungupumápálipið frapam opog apaftupur. Nepemependupur ápá upunglipingapastipigipi voporupu apað læpærapa P – mápál epen þapað vipirkapar þapannipig apað mapaðupur tvöpöfapaldapar apallapa sépérhljópóðapa opog sepetupur bópókstapafipinn P ápá mipillipi þeiperrapa.

Þriðjudagurinn 8. nóvember er baráttudagur gegn einelti. Dagurinn var helgaður Jákvæðum aga og unnið með fjölbreytt verkefni gegn einelti á öllum stigum og í öllum greinum. Dagurinn er haldinn að frumkvæði verkefnisstjórnar um aðgerðir gegn einelti í íslensku samfélagi.

Skólinn tekur venju samkvæmt þátt í verkefninu Jól í skókassa. Það markar gjarnan upphaf jólanna í skólanum. Það eru KFUM og KFUK samtökin sem halda utan um verkefnið. Verkefnið er alþjóðlegt og felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.

Það var einmuna veðurblíða í októbermánuði og viðrað vel til siglinga. Norðursigling bauð nemendum unglingastigs fyrir skömmu að fara í siglingu um Skjálfandaflóa og taka land í Flatey. Fyrirtækið hefur áður boðið nemendum í slíka siglingu og færum við því bestu þakkir fyrir.

Í tengslum við Landkönnuðahátíðina sem haldin var fyrir skemmstu var blásið til samkeppni meðal nemenda á unglingastigi um geiminn og ferðalög til fjarlægra staða. Sigurvegurum var boðið á hátíðarkvöldverð ásamt ýmsum landkönnuðum, geimförum og forseta Íslands.

Félagar í Unghugum, sem er ungliðahópur innan Hugarafls, heimsóttu nemendur 9. og 10. bekkjar í vikunni. Heimsóknin er í tengslum við ráðstefnu Hugarafls sem haldin er á Húsavík þessa dagana.