Fréttir

Í haust hafa nemendur unnið myndræn verkefni í tengslum við uppeldisstefnu Jákvæðs aga. Öllum skólum er skylt að tileinka sér og vinna eftir ákveðinni uppeldisstefnu. Í Borgarhólsskóla er Jákvæður agi.

Í næstu viku fer fram landkönnuðahátíð á Húsavík. Af því tilefni hefur Könnunarsögusafnið í samstarfi við ýmsa aðila blásið til samkeppni meðal nemenda á unglingastigi skólans um geiminn og ferðalög til fjarlægra staða.

Þau eru misjöfn morgunverkin í skólanum enda að ýmsu að hyggja á stórum vinnustað. Þessir tveir heldri menn voru að dytta listaverki í skólanum.

Vilt þú vita hvað þú getur gert til þess að stuðla að bættu læsi barnsins þíns?

Sigga Dögg kynfræðingur kom í heimsókn fyrir skömmu. Hún átti samtal við nemendur unglingastigs. Nemendum var skipt eftir árgöngum. Sigga hefur ferðast um landið með fræðsluerindi til unglinga og foreldra. Hún hefur skrifað pistla, starfað í útvarpi, gefið út hvers konar efni og komið víða fram til að ræða um kynlíf.

Alþjóðadagur kennara er haldinn hátíðlegur um heim allan 5. október ár hvert. Markmið alþjóðadagsins er að vekja athygli á því mikilvæga starfi sem kennarar inna af hendi á degi hverjum. Metum kennara að verðleikum – styrkjum stöðu þeirra.

Næstkomandi þriðjudag, 4. okt. er skipulagsdagur í skólanum. Nemendur mæta ekki í skólann þennan dag.

Næstkomandi mánudags, 3. október fer fram samtal heimilis og skóla. Þennan dag er því engin kennsla samkvæmt stundaskrá. SAmkvæmt skólanámskrá skólans er eitt meginmarkmið er að fara yfir náms- og félagslega stöðu nemandans og gera áætlun um framhaldið.

Líkt og undanfarin ár að haustlagi býðst starfsfólki skólans að láta bólusetja sig gegn flensu. Bólusetningar hafa verið almennar hér á landi í marga áratugi og þátttaka í þeim er mikil og þess vegna ekki gerð að skyldu.

Undanfarin ár hafa nokkrar ömmur komið reglulega í heimsókn í skólann ýmist til að lesa fyrir nemendur eða hlýða á lestur nemenda. Allar eru þær fyrrverandi starfsmenn skólans eða leikskólans en þær Helga Þórarinsdóttir, Lilja Sigurðardóttir og Rannveig Benediktsdóttir koma tvisvar í viku.