Fréttir

Fyrir skömmu hófst átak meðal kennaranema í grunnskólafræði við Háskóla Íslands við að fjölga fólki í þeim fræðum. Einn liður í því er að nýta samfélagsmiðilinn Snapchat. Kennaranemar og kennarar víða um land skiptast á að hafa þann miðil til að deila námi sínu og vinnu sinni.

Að venju blóta nemendur í 8. bekk ásamt foreldrum og kennurum þorrann. Blótið var haldið síðastliðið fimmtudagskvöld og gekk reglulega vel. Nemendur hafa sjálfir veg og vanda að skipulagningu. Nemendum er skipt í nefndir eftir áhuga og þeir fást við ólík verkefni.

Það ríkti algjör ró og innri friður á ýmsum tímum í skólanum í gær. Skólinn var þátttakandi viðburði sem kallast Fiðrildi sem felst í hugleiða saman. Hugleiðslan er einföld og aðgengileg.

Í dag hélt 1. bekkur hátíð því að í dag var 100. dagurinn þeirra í skólanum. Nemendur héldum upp á daginn með því að mæta í náttfötum eða rauðum fötum þar sem það var einnig rauður dagur. Unnið var í hópum og búin til talnalín1 sem náði upp í hundrað. Því næst töldu nemendur 100 kubba, perlur, tappa og fleira og verkefni þeirra var að búa til eitthvað úr því í sameiningu. Þar fékk hugmyndaflugið að njóta sín og gaman að sjá hin ýmsu listaverk verða til.

Skólinn er aðili að Cristal verkefninu sem er alþjóðlegt verkefni sem Nýsköpunarmiðstöð Íslands stýrir. Verkefnið felst í að koma frumkvöðlamennt og nýsköpun með áherslu á tæknimennt inn í skóla á svæðinu. Sjálfbærni er lykilhugtak, Norðurþing er tilraunasveitarfélag en verkefnið verður öllum opið seinna meir.

Höfuðlúsin er lítið skorkvikindi sem hefur aðlagað sig manninum og lifir sníkjulífi í mannshári á höfði og nærist á því að sjúga blóð úr hársverðinum. Hún er ekki talin bera neina sjúkdóma og því skaðlaus hýslinum. Foreldrar eru beðnir um að tilkynna um lúsasmit í skólann.

Nemendur 8. bekkjar hafa verið að læra líffræði í vetur. Áhersla hefur verið lögð á hvernig lífríkið tengist þeirra eigin lífi, hvernig við getum nýtt náttúruna og hvað ber að varast í kringum okkur.

Nemendum 9. og 10. bekkjar var boðið á fund um samræmd könnunarpróf. Talsverð breyting hefur orðið á framkvæmd prófanna auk þess sem nemendum voru kynntar niðurstöður prófanna aftur til ársins 2000.

Í dag fóru nemendur 1. bekkjar í gönguferð í frostinu og heimsóttu bæði Skógarbrekku og Hvamm. Farið var með Ástu tónmenntakennara og sungið fyrir heimilisfólkið á báðum stöðum. Það gekk mjög vel og gaman að í þessum heimsóknum hittu nemendur ömmur og afa, langömmur og langafa og spjalluðu við þau. Nemendur hittu jafnvel foreldra sem vinna á þessum stöðum.

Skólinn fékk fyrr á þessu skólaári veglegan styrk frá Landsvirkjun til að fjárfesta í tæknilegoi. Nemendum unglingastigs hefur boðist sú valgrein og vilji skólans er að sem flestir nemendur geti notið þessa. Lögð er áhersla á eðlis- og verkfræði þar sem unnið er með vélar, hleðslu, orku o.fl.