Fréttir

Skólastarf Borgarhólsskóla skólaárið 2016-2017 hefst að nýju þriðjudaginn 23.ágúst. Við hittumst öll fyrir framan skólann að vestan, vonandi í góðu veðri klukkan 16:00 og eigum saman örstutta stund, fáum stundaskrár o.þ.h. Skólastarf hefst svo með hefðbundnum hætti á miðvikudeginum 24. ágúst 08.15 nema hjá nemendum 1.bekkjar sem verða í viðtölum hjá umsjónarkennurum. Hlökkum til að sjá ykkur og til samstarfsins í vetur, Starfsfólk Borgarhólsskóla

Skólaárinu 2015 – 2016 er formlega lokið og framundan er sumarfrí. Starfsfólk mætir aftur til vinnu þann 15. ágúst næstkomandi og kennsla hefst samkvæmt stundaskrá miðvikudaginn þann 24. þess mánaðar.

Hér má nálgast innkaupalista unglingastigs fyrir haustið 2016.

Við skólalok verður gjarnan talsvert eftir af hvers konar óskilamunum. Við hvetjum nemendur og foreldra til að vita þeirra hérna í skólanum í upphafi næstu viku á meðan skipulagsdagar starfsfólks fara fram í skólanum.

Þeir eru margir vorboðarnir en skógaþröstur gerði sig nýlega heimakominn í gluggakistunni í þvottaherbergi á annarri hæð. Hann situr gjarnan á eggjunum en er nokkuð var um sig. Við bjóðum hann velkominn í skólann til okkar.

Formleg skólalok Borgarhólsskóla 2016 verða í Íþróttahöllinni klukkan 14.00 föstudaginn 3.júní.

Síðustu kennsludagana er mikilvægt að brjóta upp hefðbundna kennslu. Veðrið leikur við okkur, sólin skín og hitinn býður upp á stuttbuxur og stuttermabol, jafnvel sólarvörn.

Nemendur 10. bekkjar skólans mættu á útskrift sem fram fór í dag. Alls útskrifast 27 nemendur frá skólanum sem er svipaður fjöldi og undanfarið.