Fréttir

Í tilefni þess að 1. bekkur hefur verið 100 daga í skólanum héldum við 100 daga hátíð. Af því tilefni höfðum við dótadag og unnum ýmis verkefni með tölunni 100 eins og sjá má á meðfylgjandi myndum.

Undanfarið hafa nemendur 10. bekkjar unnið að ýmsum verkefnum tengt náms- og starfsfræðslu. Nemendur hafa m.a. farið í greiningarvinnu sem leiðir þá að því starfi sem þeir hafa mestan áhuga á. Samhliða þessu skoða nemendur leiðir að því starfi, undir leiðsögn námsráðgjafa.

Öskudagur er upphafsdagur lönguföstu, miðvikudagurinn í 7. viku fyrir páska. Dagsetning hans getur sveiflast á milli 4. febrúar til 10. mars. Að þessu sinni ber daginn upp á 10. febrúar.

Kennsla hefst samkvæmt stundaskrá á morgun, þriðjudag eftir gott frí. Við vonum að nemendur, foreldrar og fjölskyldur þeirra hafi átt ánægjulegar samverustundir í jólaleyfinu og slakað vel á. Hugsanir skapa framtíðina og hollt að æfa sig í að hugsa jákvætt nú þegar 53 kennsludagar eru til páska og 98 dagar eftir af þessu skólaári.

Við óskum öllum nemendum okkar og foreldrum gleðilegra jóla og farsældar á nýju ári. Við þökkum samstarfið á líðandi ári. Nemendur sjáum við aftur þann 5. janúar 2016. Starfsfólk Borgarhólsskóla

Litlu jólin eru yndisleg hefð í flestum grunnskólum landsins og hér var dagurinn eins og ávallt dásamlegur. Jólasveinar heimsóttu okkur og gengu með okkur í kringum jólatréð. Nemendur og fyrrverandi nemendur Tónlistarskóla Húsavíkur léku undir.

Úrslit í jólagetraun unglingastigs 2015 voru kynnt í gær, fimmtudag. Í getrauninni voru birtar 13 ólíkar spurningar. Í upphafi voru um 60 nemendur af unglingastigi sem tóku þátt af 87 og var þátttaka því góð. Nemendur skiluðu svörum sínum með rafrænum hætti.

4. og 5.bekkingar hafa verið að heimsækja Hvamm og sjúkrahúsið.