Fyrir nokkru sendu nokkrir nemendur í öðrum og þriðja bekk bréf til bæjaryfirvalda vegna þess að snjóskaflinn sem þeir leika sér í væri reglulega tekinn. Einn daginn komu nemendur súrir inn úr frímínútum eftir að hafa horft upp á mennina frá bænum á gröfum taka leiktækið þeirra. Þeir settust niður á lausnafundi í anda Jákvæðs aga og úr varð umrætt bréf sem má sjá á facebooksíðu skólans.

Hagir ungs fólks á Íslandi hafa reglulega verið rannsakaðir með markvissum hætti síðan árið 1992. Rannsóknamiðstöðin Rannsóknir & greining (R&G) sem stendur fyrir verkefninu sérhæfir sig í rannsóknum á högum og líðan ungs fólks bæði á Íslandi og erlendis. Verkefnið er hluti af alþjóðlegu rannsóknarferli.

Öskudagur er upphafsdagur lönguföstu, miðvikudagurinn í 7. viku fyrir páska. Dagsetning hans getur sveiflast á milli 4. febrúar til 10. mars. Að þessu sinni ber daginn upp á 14. febrúar.

Á hverju skólaári mæta foreldrar ásamt börnum sínum í foreldraviðtal. Hugmyndin að baki foreldraviðtölum er sú að foreldrar og kennari eru teymi sem vinnur að velferð barnsins. Áhrif foreldra á nám og líðan barna eru ómumdeild og foreldraviðtöl og hvers konar samráðsfundir eiga að tryggja að allir foreldrar eigi hlutdeild í skólagöngu barna sinna.

Þorrablót áttunda bekkjar var haldið með pompi og prakt í gærkveldi, fimmtudagskvöld. Hefð er fyrir því að nemendur bjóði foreldrum sínum og forráðamönnum á blótið. Vikan fyrir þorrablótið er nýtt til undirbúnings.

Alþjóðlegi netöryggisdagurinn er haldinn 6. febrúar ár hvert. Slagorð dagsins í ár er: Sköpum, tengjum og deilum virðingu. Betra net byrjar hjá þér!

Nemendum finnst allajafna gaman að koma saman á sal til að syngja. Við breyttum út af vananum í dag. Nemendur fyrsta til þriðja bekkjar fór í heimsókn í Hvamm og héldu þar sinn söngsal undir stjórn Ástu Magnúsdóttur. Heimilisfólk tók nemendum fagnandi og kunni vel við sönginn enda stóðu þeir sig með sóma. Nemendur heilsuðu upp á ömmur og afa í leiðinni.

Það er rík hefð fyrir skólasamkomu í skólanum. Þar koma nemendur fram með atriði, dans og söng. Samkoman er liður í fjáröflun nemenda sjöunda bekkjar sem fer í skólabúðir í Mývatnssveit. Dagskráin var fjölbreytt að vanda.

Nemendum í skylduvaláfanganum heilbrigði og velferð á unglingastigi er gefinn kostur á að kynnast alls konar matarmenningu. Í dag var Þorrinn kynntur fyrir þeim og fór mestur hluti tímans í að smakka á þorramat af ýmsu tagi. Á boðstólnum voru einar tólf tegundir af þorramat; súr, kæstur, þurrkaður og nýr ásamt því að nemendur fengu eitt staup af mysu með.

Samgöngustofa og ADHD-samtökin tóku höndum saman og gáfu nemendum á Íslandi endurskinsmerki. Nemendur sjötta til tíunda bekkjar fengu slík merki að gjöf til að nota og vekja um leið athygli á málstaðnum.