Við ætlum að hafa bláan dag, miðvikudaginn 2. apríl n.k. í tilefni af alþjóðlegum degi einhverfunnar. Um heim allan er fólk hvatt til að klæðast bláum fötum þennan ágæta dag til að vekja athygli á málefninu og í ár ætlum við að taka þátt. Því hvetjum við ykkur til að senda börnin bláklædd í skólann á miðvikudaginn. Áhugasamir eru hvattir til að smella myndum af sér og börnunum og setja á netið með skilaboðunum „Við klæðumst bláu til vitundarvakningar um málefni barna með einhverfu“. Ef myndirnar eru settar inn á Instagram má endilega merkja þær #blar2april og #einhverfa.

Á morgun fimmtudag er útivistardagur fyrir nemendur 1.-7. bekkjar. 1.-4. b er úti frá klukkan 9.15 - 11.20, þá er hádegismatur og kennslu lýkur 13.20 eins og venjulega. 5.-7. b er úti 12.20 - 14.00 og er þá skóladegi lokið. Nemendur verða að koma klæddir eftir veðri og munum að það er betra að vera of mikið klæddur en of lítið. Fjölmörg afþreying verður í boði s.s sparkvellir, snjó-húsa/karlagerð, sund og þotubrekkur. Þeir sem hugsa sér að renna hafi með sér þotur eða annað slíkt og þeir sem ætla í sund komi með sundfötin, að sjálfsögðu. Á föstudag er fyrirhuguð útivist fyrir unglingastig frá klukkan 10.30 fram að hádegismat.

Þeir sem ætla að halda börnum sínum heima í dag föstudag, eru vinsamlegast beðnir um að láta vita í síma 4646140 eða á netfangið skoli@borgarholsskoli.is.

Við hvetjum foreldra til að hafa börn sín heima í dag vegna veðurs. Skólinn er að sjálfsögðu opinn og starfsfólk við vinnu og allir velkomnir sem vilja og komast.

Við bjóðum velkominn til starfa nýjan húsvörð Hilmar D. Björgvinsson en hann mun gegna starfinu í fjarveru Einars Friðbergssonar til vors.

Við viljum minna foreldra á frammistöðumatið inn á Mentor. Það er mikilvægur þáttur matsins að allir taki þátt. Þá getur þátttaka í námsmatinu verið tækifæri fyrir foreldra og nemendur að ræða námið, frammistöðu, metnað og fleira.