Myndlistarkennarar hafa leyft 9. og 10. bekk í Borgarhólsskóla að leika lausum hala í verbúð nr. 3.

Þriðjudaginn 20. maí er appelsínugulur dagur hjá okkur í skólanum.

Hluti af bundnu vali nemenda í 8.-10. bekk er smiðja sem heitir Áhugasvið og nýsköpun. Þar eru markmiðin m.a. að; -skapa nemendum tækifæri til að vinna á skapandi hátt. -efla gagnrýna hugsun -hugsa lausnamiðað -auka stuðning -koma til móts við þarfir nemenda hverju sinni -koma til móts við bráðgera nemendur. Einn þáttur í því námi er líka að kynna áhugasvið sitt eða hvað annað sem nemendum dettur í hug. Á meðfylgjandi mynd má sjá hvernig kynning fór fram hjá tveimur stúlkum.

Borgarhólsskóli er tæplega 300 barna skóli á Húsavík. Þar fer fram metnaðarfullt skólastarf og áhersla er lögð á jákvæð samskipti og samveru. Unnið er að ýmsum áhugaverðum þróunarverkefnum og innleiðingu uppeldisstefnunnar Jákvæður agi.

Nemendur í 5. bekk gengu í hús fyrir páska og söfnuðu fyrir ABC-barnahjálpina. Alls söfnuðust 210.515 krónur sem er aldeilis frábært hjá þeim. Peningurinn rennur til hjálparstarfa í Afríku og/eða Asíu.

Undanfarnar vikur hafa 5. bekkur og Tunga verið að vinna verkefni saman í litlum hópum. Verkefnin voru um herramennina. Krakkarnir í 5. bekk lásu bækur um herramennina, síðan litaði og skreytti hver hópur sína mynd. Við lukum verkefninu með því að hittast í skólanum og skoða verkefnin. Við buðum foreldrum að koma. Síðan enduðum við á því að lita herramannamyndir og fórum út að leika. Kveðja, nemendur í 5. bekk