10. bekkur Borgarhólsskóla setur upp hið magnaða leikrit Kardemommubærinn í leikstjórn Sigga Illuga.

Það er hátíðleg stund í skólanum þegar starfsfólk kemur jólamyndunum á sinn stað og það gerum við í dag. En það er siður hér að koma þeim fyrir áður en verkstæðisdagur rennur upp.

Senn líður að annaskilum. Á fimmtudaginn er skipulagsdagur og á föstudaginn eru viðtöl.

Í dag er alþjóðlegur dagur gegn einelti.

Líkt og undanfarin ár tökum við í Borgarhólsskóla þátt í verkefninu jól í skókassa. Margir árgangar eru nú þegar byrjaðir að safna í kassana. Foreldrafulltrúar nokkurra árganga hafa hjálpað til við þessa vinnu m.a með því að gera þetta á bekkjarkvöldi og það hefur gengið afar vel.

Búið er að ganga frá ráðningu á starfsfólki í nýtt mötuneyti skólans. Hjördís Gústavsdóttir og Sigríði Hörn Lárusdóttir hafa verið ráðnar sem matráðar og Erla Kristín Hreinsdóttir er ráðin að hluta við mötuneytið en einnig sem skólaliði. Gert er ráð fyrir að þær hefji störf í nóvember.

Í valáfanganum \"heilsa og velferd\" fóru nemendur í heimsókn í sláturhús Norðlenska á Húsavík. Í framhaldinu var svo tekið slátur og gert bæði blóðmör og lifrarpylsa.

Eins og margir vita standa nú yfir framkvæmdir við Borgarhólsskóla. Verið er að byggja og koma upp mötuneyti við skólann.