Þær Agnes Björk Ágústsdóttir í níunda bekk og Heiðdís Edda Lúðvíksdóttir í áttunda bekk stunda báðar blak með Völsungi. Nýlega voru þær valdar til þátttöku í yngri en 16 ára blaklandslið Íslands sem keppti á Evrópumeistaramótinu sem fram fór í Færeyjum. Liðið varð í 6. sæti.

Það er ýmislegt sem nemendur í fyrsta bekk fást við hverju sinni. Um þessar mundir er lagt upp með að enda daginn í rólegheitum, hlusta á hugljúfa tónlist, koma sér vel fyrir og skrifa í þakklætisbókina sína. Hver nemandi á sína þakklætisbók þar sem hann safnar því sem hann er þakklátur fyrir.

Valgreinar eru hluti af skyldunámi. Í 8., 9. og 10. bekk grunnskóla skal nemendum gefinn kostur á að velja námsgreinar og námssvið sem svarar allt að þriðjungi námstímans.

Foreldrar og forráðamenn geta nú sótt um leyfi með rafrænum hætti á heimasíðu skólans. Það er gert með því að smella á hnappinn Sækja um leyfi. Við það opnast rafrænt eyðublað sem foreldri eða forráðmaður fyllir út og fær síðar svar með tölvupósti.

Vegna breytinga á mannahaldi í mötuneyti skólans verður því miður ekki hægt að bjóða upp á mat í upphafi árs, þ.e. á morgun fimmtudaginn 3. janúar og á föstudaginn 4. janúar. Nemendur þurfa því að hafa með sér hádegisnesti þessa tvo daga. Fyrirkomulag á hafragraut að morgni og ávaxtastund er óbreytt.

Við sendum öllum okkar bestu jóla- og kærleikskveðjur með ósk um gleðilega jólahátíð. Megi nýtt ár færa ykkur gæfu og gleði.

Síðasta skóladag fyrir jól er hefð fyrir því að halda Litlu jólin. Þá koma nemendur saman í sínum kennslustofum og eiga saman notalega jólastund. Að henni lokinni fara nemendur saman á jólaball í sal skólans þar sem jólasveinarnir kíkja í heimsókn og dansað er kringum jólatréð sem nemendur sjöunda bekkjar sækja í skógræktina í fjallinu og nemendur tíuunda bekkjar skreyta. Að loknu jólaballi halda nemendur út í jólafrí en kennsla heldur áfram á nýju ári fimmtudaginn 3. janúar.

Bæði síma- og tölvukerfi skólans liggur niðri og hefur gert upp á morguninn. Foreldrar hafa því ekki geta tilkynnt forföll barna sinna í gegnum síma. Sömuleiðis getur starfsfólk ekki opnað tölvupóst.

Það er löng hefð fyrir söngstund á Sal skólans. Í desember hittast allir nemendur á söngsal í þrígang og syngja saman jólalög. Ásta Magnúsdóttir leikur undir á flygilinn. Eldri nemendur sækja gjarnan þá yngri og bjóða þeim með sér á sal. Þannig verður til samvinnunám við bæði nýja söngtexta og söng.

Nýlega barst skólanum góð gjöf frá Lionshreyfingunni á Íslandi. Fyrsti Lionsklúbburinn á Íslandi var stofnaður 1951 og starfa rúmlega 80 klúbbar víðsvegar um landið. Í umdæminu sem nær frá Siglufirði til Vopnafjarðar starfa níu klúbbar með yfir 200 félögum. Lionsklúbbar beita sér mest fyrir málefnum í heimabyggð og styrkja við ýmis málefni.