Vegna endurbóta á heimasíðu skólans verður hún hugsanlega óaðgengileg næstu daga. Framundan er vetrarfrí og vonumst við til að allir njóti þess í faðmi fjölskyldu og vina.

Forseti Íslands hr. Guðni Th. Jóhannesson og forsetafrú Eliza Reid heimsóttu skólann í gær en þau eru í opinberri heimsókn í Norðurþingi. Þau tóku þátt í söngsal með nemendum sem tóku ákaflega vel undir og sungu af hjartans list. Forsetahjónin fengu gjöf frá nemendum fyrsta bekkjar sem þeir afhentu hjónunum á söngsal.

Mikilvægt að bæði unglingar og foreldrar velti framhaldsnámi fyrir sér. En í vikunni bauðst nemendum tíunda bekkjar að heimsækja Framhaldsskólann á Húsavík. Nemendum var skipt í hópa og kíktu í kennslustundir.

Nemendur í öðrum og þriðja bekk eru að vinna með samsett orð og há- og lágstafi. Vinnan er unnin í anda byrjendalæsis. Sömuleiðis er unnið með sam- og sérnöfn. Bókin Eggið eftir Áslaugu Jónsdóttur er höfð sem grunnur að vinnunni. Nemendur lesa söguna og lesið er fyrir þá. Þeir reyna að endursegja söguna í para- og hópvinnu.

Umhverfið okkar í sinni víðustu mynd var yfirskrift þemadaga fyrir skömmu. Nemendum 1. – 5. bekkjar var blandað í hópa annarsvegar og nemendum 6. – 10. bekkjar hinsvegar. Á báðum stigum fóru nemendur á stöðvar með völdum viðfangsefnum og hreyfingu.

Nemendur í 5. – 7. bekk fóru á leiksýningu í vikunni. Það var leiksýningin Oddur og Siggi. Þeir hafa verið bestu vinir í 10 ár og bjóða okkur í veislu þar sem þeir fagna áratuga vinskap sínum og skemmta okkur eins og þeim einum er lagið. Þeir rifja upp ýmislegt úr sinni vinskapartíð. Oddur og Siggi er skemmtileg og hjartnæm sýning, sem getur aukið meðlíðan og skilning, þar sem er fjallað af einlægni og húmor um flókin samskipti í heimi skólabarna.

Nemendur í níunda bekk fjalla um mannréttindi, mannfjölda, menningu, trúarbrögð og fleiri álíka viðfangsefni sem tengist lífi mannsins í samfélagi manna víða á Jörðinni. Nemendum var skipt í hópa og öttu kappi í því hvernig væri best að miðla hvers konar upplýsingum. Upphófst lestur bóka og upplýsingaöflun á netinu.

Næstu þrjá daga eru þemadagar í skólanum. Þemað er Umhverfið okkar. Nemendum 1. – 5. bekkjar er blandað í hópa annarsvegar og nemendum 6. – 10. bekkjar hinsvegar. Á báðum stigum fara nemendur á stöðvar með völdum viðfangsefnum og hreyfingu.

Lesfimi er samsett færni sem felst í leshraða, lestrarnákvæmni, áherslum og hrynjandi í lestri. Lesfimiðviðmið eru sett þannig fram að þau sýna stíganda í færni nemenda frá einum bekk til annars. Þetta eru almenn viðmið fyrir nemendur í hverjum árgangi sem endurspegla þær kröfur sem þeir þurfa að mæta á næstu stigum náms.

Háskóli Íslands hefur undanfarið rannsakað vinnutengda heilsu og öryggi íslenskra ungmenna. Algengt er að vestræn ungmenni stundi tímabunda vinnu samhliða skóla og launavinna íslenskra ungmenna er óvenju mikil. Í vestrænum ríkjum gilda lög um lágmarksaldur við vinnu og sérstaka vinnuvernd ungmenna. Þó eru ungmenni í meiri hættu á að lenda í vinnuslysum en fullorðnir og vinnutengd heilsa og öryggi fullorðinna í tímabundinni vinnu er ekki jafn vel tryggð og fastráðinna.