Nemendur voru viðstaddir opnun ljósmyndasýningar Ástu Kristjánsdóttur í Safnahúsinu á Húsavík núna í morgun. Sýningin ber nafnið Óskir íslenskra barna og er sterk og áhrifamikil sýning. Um leið ákveðin ádeila á samtímann og vitundarvakning.

Það er ýmislegt sem hefur áhrif á hefðbundið skólastarf. Á þessum tíma árs voru nemendur gjarnan fjarverandi vegna gangna og rétta. Það hefur aukist að nemendur fari í utanlandsferðir á skólatíma eða vegna annarra leyfa.

Örnámskeið fyrir foreldra grunn - og leikskólabarna

Dans var lengi vel sérstök námsgrein í grunnskóla en fellur nú undir íþróttir. Unglingarnir okkar báðu um að fá að dansa í vikunni og sjálfsagt að verða við því. Í morgun fór fram dansiball þar sem unglingarnir koma saman dansa línudans, gömlu dansana og svokallaðan hlöðudans.

Sólin skein skært, íslenski fáninn við hún og bros á hverjum manni enda mikil tilhlökkun núna þegar skólastarf er hafið með hefðbundnum hætti. Nemendur, foreldrar og starfsfólk kom saman á stuttri athöfn við upphaf skólaársins. Framundan eru ný ævintýri.

Nú standa yfir ýmsar framkvæmdir við skólann enda hefst skólastarf með hefðbundnum hætti í vikunni. Búið er að slípa upp gólfið í matsalnum og skipta um þak á þeim hluta byggingarinnar. Gamli skorsteinninn sem stóð upp úr miðja þakinu var fjarlægður. Jafnframt hafa gluggar í eldri byggingunni verið málaðir að utan.

Hluti starfsfólks skólans sat á námskeiði í dag um uppeldisstefnu skólans. Skólum á Íslandi er skylt að hafa uppeldisstefnu en nýráðið starfsfólk sem og það starfsfólk sem ekki hefur sótt fræðslu í Jákvæðum aga sat námskeiðið.

Skólastarf Borgarhólsskóla skólaárið 2016-2017 hefst að nýju þriðjudaginn 23.ágúst. Við hittumst öll fyrir framan skólann að vestan, vonandi í góðu veðri klukkan 16:00 og eigum saman örstutta stund, fáum stundaskrár o.þ.h. Skólastarf hefst svo með hefðbundnum hætti á miðvikudeginum 24. ágúst 08.15 nema hjá nemendum 1.bekkjar sem verða í viðtölum hjá umsjónarkennurum. Hlökkum til að sjá ykkur og til samstarfsins í vetur, Starfsfólk Borgarhólsskóla