Fréttir

Foreldrar þurfa að skrá börn sín í mötuneytisþjónustu kjósi þeir að nýta sér hana. Þjónustan er gjaldfrjáls. Vegna framkvæmda í eldhúsi skólans hefst þjónustan þann nítjánda ágúst nk. En í næstu viku verður settur upp nýr kælir til að bæta aðstöðuna.

Öllum grunnskólanemendum skal gefinn kostur á að taka þátt í frístunda- og félagsstarfi þar sem tekið er mið af þörfum, þroska og áhuga hvers og eins. Með frístunda- og félagsstarfi í lögum þessum er annars vegar átt við starfsemi frístundaheimila fyrir nemendur í yngri árgöngum grunnskóla og hins vegar félagsstarf fyrir alla árganga grunnskólans.

Skrifstofa skólans er lokuð og opnar aftur 13. ágúst næstkomandi. Hægt er að nálgast upplýsingar eins og netföng starfsfólks og fleira hér á heimasíðu skólans.

Í sumar hvetjum við öll til að setja á sig ofurhetjuskikkjuna og taka þátt í Sumarlestri almenningsbókasafnanna. Lestur veitir ofurkraft, því meira sem þú lest, því meira lærir þú og skilur. Það er mikilvæt að halda lestri að börnum og ungmennum yfir sumartímann.

Skólaárinu 2023-2024 er lokið hjá nemendum. Nemendur fyrsta til og með níunda bekkjar hittu kennarana sína í dag í hverskonar uppbroti. Nemendur komu saman í athöfn á Sal skólans. Umsjónarkennarar afhentu vitnisburð skólaársins. Búið er að opna fyrir birtingu á hæfnikortum í mentor og við hvetjum foreldra til að rýna í þau.

Nemendur tíunda bekkjar kvöddu skólann sinn í dag eftir tíu ára skólagöngu með skólaskírteini í hönd. Hvert og eitt heldur sína leið með eigin markmið og stefnu í lífinu. Skólinn óskar nemendum og fjölskyldum þeirra til hamingju og velfarnaðar á lífsins leið.

Nemendur sjöunda hafa farið í skólaferð í lok skólaárs. Á sínum tíma var farið í skólabúðir að Reykjum í Hrútafirði sem mörg muna eftir. Síðar var farið í Mývatnssveit í námsferð um fugla og jarðfræði. Að þessu sinni var farið í hópeflisferð í Eyjafjörðinn dagpart.

Nærumhverfi okkar bæði náttúrulegt og manngert. Garðar, skóglendi, vötn, götur eða hús. Allt í nálægð við búsetu og starfsemi hverskonar. Nemendum í öðrum og þriðja rannsökuðu nærumhvefi sitt nýlega. Nemendur lásu bækurnar Ánamaðkar og Humlur í bókaflokknum; allt milli himins og Jarðar. Að því tilefni fóru nemendur í vettvangsferð út á skólalóð sem er ansi víðfem í leit að hverskonar lífverum eins og flugum, köngulóm eða öðrum smálífverum.

Fimmti bekkur hefur árlega unnið með hvali með margvíslegum hætti. Að þessu sinni var farið i hvalaskoðun í boði Norðursiglingar. Haldið var út út höfn á Bjössa Sör undir leiðsögn Garðars Þrastar Einarssonar frá Hvalasafninu á Húsavík

Fyrsta ferð Háskólalestarinnar var árið 2011 þegar skólinn fagnaði aldarafmæli. Markmiðið með lestarferðinni er að kynna fjölbreytta starfsemi skólans, beina athygli að starfi Rannsóknarsetra í landsbyggðunum og vísindamiðlun til ungs fólks og fjölskyldna. Lestin hafði viðkomu í Borgarhólsskóla í dag.